BE publikon planin për luftimin e evazionit fiskal
Çdo vit vendet e BE-së humbin 1 trilion euro dhe çdo shtetas i BE-së humb 2 mijë euro.
Për këtë Komisioni i BE-së publikoi të enjten planin për luftimin e shmangies së taksave.
Komisioneri i BE-së për taksimin dhe bashkimin doganor Algirdas Semeta tha se shmangia e taksave që shkakton humbje të madhe në financat publike të vendeve anëtare të BE-së shkel parimin e barazisë në vjeljen e taksave.
Në kushtet e një krize borxhi, vendet anëtare të BE-së do të luftojnë evazionin fiskal.
Ai shtoi se në kohën e globalizimit të ekonomisë, lufta ndaj vjedhjes së taksave kërkon forcimin e bashkëpunimit midis vendeve.
