Bruksel, 8 dhjetor - Drejtuesit të vendevetë BE gjatë ditëve në vijim pritet të mbajnë një samit në Bruksel në lidhje me krizën e borxheve që ka pëfrshirë një sërë vendesh të këtij organizmi.

Në këte takim pritet të ketë diskutime të rëndësishme të cilat do të vendosin edhe mbi të ardhmen e Eurozonës.

Prej disa ditësh dy prej vendeve kryesore të BE-së Gjermania dhe Franca po diskutojnë mbi mundësitë e ndryshimit të Traktatit të Lisbones.

Ndërkohe presidenti i Këshillit Evropian, Herman Van Rompuy ka ofruar një plan i cili kërkon vetëm amendimin e traktateve.

10 vendet e tjera të BE, por që nuk janë pjesë e eurozonës, janë të shqetësuar se mund të izolohen nëse vendet e tjera të unionit, të udhëhequra nga Berlini dhe Parisi, vendosin ndjekien e një traktati të ri në mënyrë individuale.

Në lidhje me zhvillimet e fundit në Evopë është shqetësuar edhe presidenti amerikan Barack Obama i cili gjatë një komunikimi telefonik që ka pasur me Angela Merkel ka këshilluar kancelaren gjermane që zgjidhje që do të ofrohet mbi Eruozonën duhet të jetë afatgjatë dhe e besueshme.