Prishtinë, 5 qershor - Sektori i prokurimit publik mbetet ‘thembra e Akilit’ nga i cili burojnë skandalet më të mëdha të korrupsionit në Kosovë.

Në këtë pikë ka kërkuar reforma rrënjësore edhe Bashkimi Evropian në kriteret për liberalizimin e vizave.

Prandaj, kjo çështje është njëra ndër pikat kryesore të raportit për përmbushjen e kritereve për liberalizimin e vizave që do t’i dorëzohet të premten (sot) përfaqësuesit të Bashkimit Evropian në Kosovë, Samuel Zbogar.

Gazeta ‘Zëri’ nga burimet e saj ka mësuar se BE-ja po kërkon reforma radikale në sektorin e prokurimit, madje duke përfshirë edhe ndryshime kadrovike.

/Zëri/