Bruksel, 20 janar - Bashkimi Evropian me vëmendje të veçantë po e përcjellë situatën në lidhje me Trepçën.

“Është me rëndësi ta shmangim eskalimin e situatës dhe që të gjithë të merren me qetësimin e gjendjes. Ekzistojnë disa opsione të shmanget likuidimi i Trepçës. Do të ishte mirë t’i jepet kohë adresimit të kësaj çështjeje konform ligjit të miratuar dje në Parlamentin e Kosovës”, ka deklaruar Maja Kocijancic, zëdhënëse e Bashkimit Evropian, e ngarkuar me çështje të Ballkanit Perëndimor.