Washington, 5 qershor - Sipas parashikimit të Bankës Botërore, rritja e ekonomisë botërore këtë vit do të jetë 2.7 për qind falë rigjallërimit në sektorët e prodhimit dhe të tregtisë.

Sipas \"Perspektivës Ekonomike Botërore\", botim periodik që u publikua të dielën nga Banka Botërore, falë rritjes së vrullshme të kërkesave të ekonomive kryesore, rritjes së shpejtë në import-eksportet e Kinës etj., tregtia globale do të rritet 4 për qind, ose 0.4 pikë përqindje më shumë se në janar dhe shumë më lart se niveli i vitit të 2016-s, që ishte 2.5 për qind.

Banka Botërore parashikoi gjithashtu se në tregjet e reja dhe ekonomitë në zhvillim, rritja vjetore këtë vit dhe në dy vitet e ardhshme do të jetë respektivisht 4.1 për qind, 4.5 për qind dhe 4.7 për qind.

Ndërkohë, rritja e ekonomisë kineze këtë vit është vlerësuar 6.5 për qind, ndërsa në dy vitet e ardhshme parashikohet të arrijë 6.3 për qind.