Pekin, 14 prill - Banka Botërore (BB) ka njoftuar sot se ekonomia e Kinës do të zgjerohet 7.1% në vitin 2015, e jo në shkallën 7.2% siç ishte projektuar në muajin tetor të vitit të kaluar.

Rrjedhimisht, rritja e sivjetme do të jetë më e ulët se ajo e vitit 2014, kur ishte 7.4%, raporton AFP.

Azia Lindore në Zhvillim do të rritet 6.7%, që është më pak se parashikimi 6.9% i bërë në vitin 2014, thuhet në raportin e fundit të Bankës Botërore për Përditësimin Ekonomik të Azisë Lindore dhe Paqësorit.

Sipas definimit të Bankës Botërore, Azia Lindore në Zhvillim i përfshin 14 vende.