Pekin, 24 mars - Banka Aziatike e Investimeve Infrastrukturore miratoi anëtarësimin e 13 vendeve të reja, duke e ngritur në 70 numrin e përgjithshëm të anëtarëve.

Anëtarët e rinj janë: Afganistani, Armenia, Fiji, Hong Kong-u i Kinës dhe Timori Lindor, si dhe tetë anëtarë jorajonalë si Belgjika, Kanadaja, Etiopia, Hungaria, Irlanda, Peruja, Sudani dhe Venezuela.

Laurel Ostfield, kreu i Departamentit të Komunikimit dhe Zhvillimit të bankës, tha se ky raund zgjerimi e rrit rolin e saj në zhvillimin global:

\"Banka Aziatike e Investimeve Infrastrukturore është një bankë e vërtetë ndërkombëtare zhvillimi. Këtë e thotë fakti që ne tani kemi anëtarë të ardhshëm nga të gjitha kontinentet e globit, përveç Antarktidës. Kjo gjithashtu flet për llojin e institucionit që ne po e ndërtojmë, prandaj jemi shumë krenarë për 13 anëtarët e rinj.\"

Të 13 anëtarët e ardhshëm janë të vendosur për t\'iu bashkuar zyrtarisht bankës sapo të përfundojnë proceset e nevojshme të brendshme dhe të depozitojë këstin e parë të kapitalit.

Banka u themelua në vitin 2015 dhe ka filluar të funksionojë në janar të 2016-s.