Stamboll, 17 dhjetor - Banka më e madhe komerciale greke “Banka kombëtare e Greqisë” (NBG) dhe Banka ATE bënë të ditur se do të shesin filialet e tyre në Turqi dhe Rumani.

NBG planifikon të shesë 49 për qind nga “Finansbanka” turke, por nuk e përjashton mundësinë e shitjes së mëtejshme.

Ndërsa banka ATE bëri të ditur se do të shesë 93,3 për qind të filialeve në Rumani.

Bankat greke, të cilat më parë kishin ekspansion në vendet e Evropës Juglindore tani në masë të madhe varen nga financimi i Bankës qendrore evropiane, Bankës qendrore të Greqisë dhe ndihmës nga Bashkimi Evropian për rekapitalizim të sistemit financiar grek.