Teheran, 12 prill - Një zyrtar i lartë i sektorit bankar të Iranit u shpreh se bankat europiane kanë kontaktuar me bankat iraniane, për të diskutuar për bashkëpunimin mes tyre pas përfundimit të sanksioneve.

Sipas Agjencisë së Lajmeve të Iranit, nëndrejtori i përgjithshëm i Bankës Kombëtare të Iranit për çështjet ndërkombëtare Gholam Reza Panahi u shpreh se pas publikimit të projektit kornizë për zgjidhjen e problemit bërthamor iranian nga Irani dhe 6 fuqitë botërore, dhjetra banka europiane kanë kontaktuar bankat përkatëse iraniane.

Sipas Televizionit Press të Iranit, Shoqata e Telekomunikacionit Financiar Global Ndërkombëtar me seli në Belgjikë ka pasur gjithashtu disa herë kontakte jozyrtare ose zyrtare me disa banka private iraniane për të diskutuar rifillimin e biznesit të saj në Iran.