Moskë, 19 prill - Banka për Zhvillim e vendeve anëtare të BRICS mund të themelohet brenda dy viteve. Ky opinion u shpreh nga Zëvendësministri rus i Financave të Rusisë, Sergei Storçak.

Në mars liderët e vendeve anëtare të BRICS morrën vendimin parimor për themelimin e Bankës për Zhvillim.

Siç pritet, parametrat e saj më të hollësishëm, duke përfshirë edhe shumën e kontributeve për kapitalin fillestar dhe vendin e selisë së Bankës, do të përcaktohen më vonë.

Në deklaratën përfundimtare të samitit thuhet se kontributi fillestar duhet të jetë i mjaftueshëm për financimin efektiv të projekteve infrastrukturore.