Tiranë, 25 shkurt - Banka Botërore do të mbështesë Shqipërinë me  një shumë prej 1.1 miliard dollarësh  në 5 vite.

Platforma është prezantuar në komisionin e Ekonomisë dhe Financave. Këto para do të përdoren për projekte të cilat parashikojnë mbështetje buxhetore por edhe për përmirësim të klimës së biznesit.

Tahseen Sayed  përfaqësuesja e Bankës Botërore në Shqipëri ka  deklaruar se pritet që të realizohen rreth 15 projekte deri në vitin 2019.

Sektori kyç në financimet e Bankës Botërore pritet të jetë sektori energjitik për të cilin janë dhënë tashmë 150 milionë dollar. Komisioni i Ekonomisë ka  dëgjuar gjithashtu edhe kandidaturën e ofruar nga kryeministri  për anëtare të Këshilllit Mbikqyrës të Bankës së Shqipërisë.