Vjenë, 15 shtator - Udhëheqësit austriakë u shprehën kundër kërkesës së presidentit të ekzekutivit evropian, Jean-Claude Juncker për të parë sa më shumë vende të Bashkimit Evropian t’i bashkohen zonës euro, ndërkohë që Vjena kujtoi krizën e fundit greke.

“Unë e mendoj këtë koncept të pamenduar”, deklaroi kancelari socialdemokrat, Christian Kern duke nënvizuar se prioriteti evropian duhet të jetë lufta kundër mashtrimit fiskal dhe dumpingut social dhe duke theksuar se kriteret e Maastrichtit duhej të respektoheshin në mënyrë strikte.

“Nëse kjo nuk zgjidhet, një zgjerim i zonës euro nuk ka asnjë kuptim sepse kjo vetëm do të shtonte problemet”, theksoi ai për radion publike ”O1” duke përmendur krizën e Greqisë.

Në fjalimin e tij të përvitshëm për gjendjen e Bashkimit Evropian, Juncker kujtoi se euroja ishte e destinuar për t’u kthyer në monedhën unike të të gjithë Bashkimit Evropian dhe propozoi krijimin e një instrumenti anëtarësimi duke ofruar një asistencë për para anëtarësimin teknik dhe financiar.