Prishtinë, 7 tetor - Sot, u aprovua nga Kuvendi i Kosovës dokumenti për Planin Hapësinor për Zonën e Interesit të Veqantë Ekonomik ‘Fusha e Mihjes së Re’, dhe Strategjia dhe Plani i Veprimit per Biodiversitetin që janë dy dokumentet e rëndësishme të Qeverisë së Kosovës.

Plani Hapësinor për Zonën e Interesit të Veçantë Ekonomik “Fusha e Mihjes së Re”, me anë të këtij dokumenti synohet të  vendosen bazat e zhvillimit të qëndrueshëm hapësinor për një zonë shumë të rëndësishme të Kosovës.

Me 13.03.2009 Qeveria e Republikës së Kosovës shpalli  zonën në fjalë si zonë e interesit të veçantë ekonomik, dhe obligoi MMPH me  hartimin e këtij dokumenti;

Më 22.06.2011 dokumenti që është miratuar në Qeveri – nga ku është dërguar në Kuvend për aprovim përfundimtar;

Plani Hapësinor për Zonën e Interesit të Veçantë Ekonomik “Fusha e Mihjes së Re”, si një ndër dokumentet e rëndësishme të Qeverisë, dhe ka për bazë dokumentet:

·    Planin Hapësinor të Kosovës të aprovuar kohë më parë
·    Raportin e Vlerësimit Strategjik Mjedisor dhe Social për zonën dhe
·    Strategjinë e Kosovës për Energji 2009 – 2018.

Fjala është për një dokument që merret me zhvillimin hapësinor të zonës që mbulon një sipërfaqe prej afërsisht 150 km2, në të cilën pjesërisht përfshihen katër komuna: Obiliqi, Fushë Kosova, Vushtrria dhe Drenasi. Tema kryesore e dokumentit është zhvillimi hapësinor i zonës me fokus të veçantë në zhvillimin e mihjeve dhe impianteve të reja energjetike dhe ndikimet e tyre në zonë dhe përreth saj.

Ky dokument është hartuar nga Instituti për Planifikim Hapësinor, në bashkëpunim të ngushtë me sektorin energjetik, duke përfshirë edhe të gjitha sektorët e rëndësishëm të Qeverisë së Kosovës, që në një formë apo tjetër, janë të ndërlidhura me projektin.

Plani Hapësinor për Zonën e Interesit të Veçantë Ekonomik “Fusha e Mihjes së Re”, është dokument që garanton respektimin e të drejtave dhe lirive të të gjithë qytetarëve që jetojnë në të dhe janë në përputhje me standardet kryesore që dalin nga ligjet e vendit dhe rregulloret evropiane.

Me këtë dokument Qeveria e Kosovës në mënyrë të qëndrueshme orienton kahen e zhvillimit hapësinor energjetik, duke respektuar në maksimum mbrojtjen e mjedisit dhe shfrytëzimit racional të resurseve natyrore.

Pas një pune intensive që ka bërë stafi i Ministrisë së Mjedisit dhe Planifikimit Hapësinor në bashkëpunim me Ministritë tjera të Qeverisë së Kosovës dhe pas miratimit nga Qeveria e Kosovës u aprovua Strategjia dhe Plani i Veprimit për Biodiverzitet 2011 – 2020. Kjo Strategji do të jetë udhërrëfyes i të gjitha zhvillimeve për lëmin e mbrojtjes dhe ruajtjen e natyrës për dhjetë vitet e ardhshme kurse Plani i Veprimit do të vlej për një periudhë pesë vjeçare.

Hartimi i kësaj Strategjie ka qenë një proces transparent dhe gjithëpërfshirës, në përgatitjen e saj kanë dhënë kontributin ekspertë nga të gjitha dikasteret relevante të Qeverisë, Universiteti Publik i Prishtinës, administrata lokale, shoqëria civile dhe eksperte të sponzoruar nga Komisioni Evropian

Strategjia ka definuar vizionin  se ku Kosova dëshiron të jetë me sektorin e natyrës deri në vitin 2020 dhe atë përmes realizimit të katër objektivave strategjike:


·    Zhvillimi i kornizës ligjore dhe institucionale sipas standardeve të BE-së dhe zbatimi efektiv i saj.
·    Ruajtja, mbrojtja dhe përmirësimi i gjendjes së llojeve të bimëve dhe shtazëve, vendbanimeve natyrore dhe peizazheve reprezentative në baraspeshë natyrore.
·    3.Sigurimi i mbrojtjes së integruar të natyrës
·    Promovimi i edukimit dhe komunikimit efektiv për biodiverzitetin.

Kësaj Strategjie te aprovuar nga Parlamenti dhe që ia hapi rrugën për investime të mirëfillta, në dobi të natyrës së  degraduar por shumë e vlefshme dhe unike për Kosovën.

Zbatimi i kësaj Strategjie përmes Planit të Veprimit do të jap rezultate të duhura dhe do të ndryshoj gjendjen për të mirë në mbrojtjen e biodiverzitetit dhe natyrës së vendit tonë.