Prishtinë, 5 shtator - Shefja e Zyrës/Përfaqësuesja Speciale e Bashkimit Evropian në Kosovë, Nataliya Apostolova, do të vizitojë sot katër projekte të financuara nga BE në komunën e Zveçanit, në vlerë prej 2.85 milion euro.

Ambasadorja Apostolova do të përurojë sistemin e renovuar të ujësjellësit, projekt me vlerë prej 457.000 euro dhe sistemin për trajtimin e ujërave të zeza (projekt me vlerë prej 396.000 euro), do të vizitoj një shkollë fillore, projekt me vlerë prej 309.000 euro si dhe vendndërtimin e sallës së re sportive në Zveçan me vlerë 1.7 milionë euro: