Prishtinë, 21 korrik - Ministri i Punës dhe Mirëqenies Sociale, Arban Abrashi, ka pritur sot në takim kryesinë e re të Federatës Sindikale të Kosovës, të udhëhequr nga kryetari i sapozgjedhur Sylejman Meta.

Me këtë rast, Meta e ka njoftuar ministrin Abrashi, me punimet e Kuvendit Zgjedhor të Federatës Sindikale, si dhe kërkoj bashkëpunim dhe përkrahje me qëllim të avancimit të gjendjes së pensionistëve.

Gjithashtu, Meta e ka njoftuar ministrin Abrashi, edhe me problemet që po shkaktohen nga kryesia e vjetër e kësaj federate dhe kërkoj ndihmën e ministrit në lirimin e zyrave të federatës, të cilat po mbahen të bllokuara nga ish-kryetari i federatës.

Ndërkaq, ministri Abrashi, pasi që uroi kryetarin dhe kryesin e re te Federatës Sindikale,  premtoi bashkëpunimin dhe përkrahjen e Ministrisë se Punës dhe Mirëqenies Sociale, në realizimin e projekteve të kësaj federate sindikale.