Prishtinë, 11 nëntor - Ministri i Punës dhe Mirëqenies Sociale, Arban Abrashi, sot së bashku me Shoqatën Gjermane për Bashkëpunim Ndërkombëtar (GIZ), Agjensionin për përkrahje të punësimit (APPK) dhe ndërmarrjes sociale DIAKONIE nga Gjermania, nënshkruajti marreveshjen e mirëkuptimit për arsim, aftësim dhe punësim të 54 të rinjëve nga Kosova në Gjermani.

Kandidatët e suksësshëm janë përzgjedhur bazuar në një proces të hapur dhe transparent, dhe pas trajnimeve të nevojshme që do të zgjasin disa muaj, do të vendosen në Gjermani ku do të fillojnë programin e tyre.

\"Ky projekt paraqet një “win-win’ situatë, ku të rinjtë tanë punojnë dhe aftësohen në sektorë që janë deficitar në Kosovë, dhe pas një periudhe kthehen në Kosovë me dije dhe aftësi për të kontribuar në tregun e punës në Kosovë me njohuri dhe përvojë Evropiane\", ka theksuar Abrashi.