22 për qind e bizneseve synojnë të zhvendosen nga Britania
Instituti i Drejtorëve, federatë britanike e krerëve të sipërmarrjeve, ka zhvilluar një sondazh me më shumë se një mijë prej anëtarëve të tij.
Sipas sondazhit, 64% e krerëve mendojnë se dalja e Britanisë së Madhe nga Bashkimi Evropian është negative për aktivitetin e tyre.
Një e katërta (24%) mendojnë që të ngrijnë punësimin dhe më shumë se një në pesë (22%) mendojnë të zhvendosin aktivitetin e tyre.
Në një tribunë të publikuar në të përditshmen \"Times\", drejtoresha e përgjithshme e organizatës më të madhe të sipërmarrësve britanikë, CBI (Konfederata e Industrisë Britanike), ka gjykuar se “impakti i vendimit mbi \'Brexit\' nuk duhet të nënvleftësohet”.
