Frankfurt, 13 janar - Pas më shumë se 10 vite të futjes në qarkullim të kartëmonedhave dhe monedhave euro, Eurosistemi  në vitin 2014 sot ka filluar ta lëshojë në qarkullim serinë e dytë e kartëmonedhave euro, e njohur si seria Europa.

Kjo seri do të përmbajë një portret të Europa-s, një figurë e mitologjisë greke nga rrjedh edhe origjina e emrit të kontinentit tonë. Dizajni i plotë i kartëmonedhës së re në vlerë prej 10 € është zbuluar sot në Frankfurt.

Kartëmonedhat e serisë Europa në vlerë prej  10 eurosh do të fillojnë të qarkullojnë më 23 shtator 2014.

Yves Mersch, anëtar i bordit të  Bankës Qendrore Evropiane (ECB), në ceremoninë e mbajtur në Frankfurt, ka deklaruar se sot 18 vende me 334 milionë njerëz përdorin euron në transaksionet e tyre të përditshme. “Ju mund të udhëtoni nga Riga në Romë, ose nga Barcelona në Bratislavë dhe përdorni të njëjtat kartëmonedha dhe monedha”, ka theksuar ai.