Mitrovicë, 8 nëntor - Në një konferencë për media, Dega e Aleancës Kosova e Re në Mitrovicë, ka nënshkruar sot marrëveshje koalicioni me Degën e Lidhjes Demokratike të Kosovës, e cila mbështetë kandidatin e AKR-së për Kryetar të Komunës së Mitrovicës, Agim Bahtiri, për balotazhin e 1 dhjetorit në këtë qytet.

Me rastin e nënshkrimit të kësaj marrëveshjeje, kandidati i Aleancës Kosova e Re për Kryetar të Mitrovicës, Agim Bahtiri, ka ftuar të gjithë ata të cilët dëshirojnë ndryshime për Mitrovicën, që t’i bashkëngjiten për fitore.

“I kemi kalkuluar dhe harmonizuar të gjitha programet, unë pres nga të gjithë ata që e duan ardhmërinë e Mitrovicës, të më bashkohen”, ka thënë Bahtiri, duke theksuar se programi i përbashkët AKR-së dhe LDK-së është më i miri.

Ndërsa, Kryetari i degës së Lidhjes Demokratike të Kosovës në Mitrovicë, Sadri Ferati, ka thënë se, me mbështetjen e LDK-së, Agim Bahtiri do të jetë Kryetari i ardhshëm i Mitrovicës.