New York, 18 prill - “Microsoft”-i për sistemin e tij operativ po bën përmirësimin e tij për Windows Blue duke përfshirë riprezantimin e butonit klasik të Start-it.

Me daljen e Windows 8, “Microsoft”-i rrezikoi me një ndërfaqe të ndryshuar radikalisht. Ekrani fillestar i Windows 8-ës i përshtatur për ekranet me prekje është një përgjigje për shtimin e pajisjeve mobile dhe uljes së shitjeve të kompjuterëve desktop.

Pritet që Windows Blue të ofrojë një opsion të dyfishtë të ndezjes së kompjuterit, ku mund ta kalojë ndërfaqen e Windows 8 dhe të kalojë direkt ekrani kryesor me butonin e Start-it.

“Microsoft”-i që nga nxjerrja e Windows 8-ës në gushtin e kaluar po monitoron me kujdes ecurinë e sistemit operativ dhe madje ky zgjerim i Windows Blue do të japë informacione mbi ecurinë edhe nëse versioni për Desktopin do të vazhdojë punën e tij edhe më vonë.

Që nga nxjerrja e Windows 8-ës shumë smartfone dhe tabletë me këtë sistem operativ janë lançuar, duke përfshirë edhe modelet nga “HTC”, “Samsung”, “Nokia”. Këto pajisje me Windows 8 kanë fituar treg muajt e fundit, sidomos në tregjet ndërkombëtare. Ky përmirësim mund ti tërheqë përdoruesit që nuk po punojnë me Windows-in në pajisjet me prekje.