New York, 10 korrik - Versioni RTM i sistemit operativ Windows 8.1 do të dalë në treg në fund të gushtit të vitit 2013. Kjo është konfirmuar në blogun zyrtar të korporatës Microsoft.

Statusi RTM (Release to Manufacturing) i programit nënkupton se zhvillimi dhe testimi i tij kanë përfunduar. Pas marrjes së statusit RTM, Windows 8.1 do t’u dërgohet prodhuesve të kompjuterave.

Versioni përfundimtar i Windows 8.1 për përdoruesit do të prezantohet para Vitit të Ri, njofton Microsoft pa dhënë ndonjë datë të saktë.

Windows 8 zë 6.39% të tregut dhe vendin e katërt ndër sistemet operative më të njohura në botë, duke u renditur pas Windows 7, Windows XP dhe OS X.