Bruksel,1 prill - Dy nga pajisjet e fundit të kompanisë LG, telefoni inteligjent L70 dhe L40 janë të disponueshëm për t’u blerë në Evropë. Amazon është duke shitur të dy këta telefona në Gjermani dhe Itali, dhe së shpejti do të dalin edhe në tregjet e tjera.

Telefoni LG L70 nuk është edhe aq i lirë sa ju keni pritur. Edhe pse kjo pajisje është shitur në Kinë me 160 dollarë, në Evropë ajo do të kushtojë 246 dollarë.

Telefoni L70 përdor sistemin operativ Android 4.4 KitKat, ka ekran 4.5 inç me rezolucion 480 x 800 pixelë, me densitet 199ppi. Veçori të tjera të këtij telefoni janë: kamera e pasme 5 megapixelë, kamera ballore VGA, procesori Qualcomm Snapdragon me dy bërthama me qark 1.2GHz, 1GB RAM, 4GB memorie të brendshme. Knock Code është një nga veçoritë e reja të këtij telefoni. Kjo karakteristikë iu mundëson përdoruesve të aktivizojnë ekranin dhe të vendosin një kod sigurie me vetëm një lëvizje.

Edhe telefoni LG L40 përdor sistemin operativ Android 4.4 KitKat. Ky telefon kushton 122 dollarë. L40 është një telefon inteligjent shumë interesant, me ekran 3.5 inç me rezolucion 320 x 480 pikselë, veçorinë Knock Code, kamera të pasme 3 megapixelë, procesori me dy bërthama, 512MB RAM dhe 4GB memorie të brendshme.