USAID mbështet Gjilanin me 50 mijë euro për teknologjin informative
Kjo marrëveshje e bashkfinancimit ka qëllim kryesor blerjen e pajisjeve të IT për të përmirësuar kushtet e punës për stafin e departamentit të Prokurimit, në mënyrë që të ndikohet direkt në rritjen e transparencës, llogaridhënies dhe për të luftuar korrupsionin.
Pas nënshkrimit të marrëveshjes, nënkryetari i Komunës së Gjilanit, Arbër Ismajli, ka thënë se USAID si partner i fuqishëm i Gjilanit është vazhdimisht një mbështetës dhe ndihmues i drejtpërdrejtë në proceset më të rëndësishme të procedurave administrative në prokurimin publik, financa, auditim, informim, transparencë dhe në ngritjen e kapaciteteve për burimet njerëzore të Gjilanit.
Nënkryetari Ismajli, gjithashtu, ka konfirmuar se Komuna e Gjilanit do të jetë e angazhuar maksimalisht që të gjithë resorët e potencuar të jenë në nivelin më të lartë të mundshëm, në mënyrë që investimi i përbashkët që po bëhet, të jap rezultate të dukshme dhe pozita që ka Gjilani sa i përket transparencës të jetë gjithmonë kulminante.
