New York, 8 janar - Përdoruesit e Twitterit nga Kosova tashmë do të identifikohen si të tillë.

Rrjeti i njohur social tani e njeh shtetin më të ri të Evropës si vendndodhje prej nga nisen “cicërimat”, shkruan Gazeta Start.

Lokacioni më i shpeshtë prej nga shkruhej deri më tani ishte Rusia, por kjo nuk do të ndodhë më.

Pak kohë më parë rrjeti tjetër i mirënjohur social, “Facebook”, njohu qytetet e Kosovës, por herë pas here i fut këta të fundit në kuadër të Serbisë.

Gjithashtu, për shkak të protestave nga Kosova, “Google” hoqi para pak kohësh shfaqjen si faqe të parë në serbisht.