Moskë, 19 nëntor - Anija kozmike që barte tre astronautë nga Stacioni Ndërkombëtar i Hapësirës dhe ka ateruar në stepat e Kazakistanit, rreth 35 kilomtra larg nga vendi i planifikuar i aterimit.

 Në bord ishin Yuri Malenchenko i Rusisë, Akihiko Hoshide i Japonisë, dhe Sunita Williams nga SHBA-ja, të cilët kompletuan misionin 126 ditësh.

 Autoritetet ruse thanë se për shkak “të një vonese minimale të procedurave” kapsula nuk ka mundur të aterojë në vendin e planifikuar, por, helikopterët dhe ekipet e shpëtimit kanë arritur shumë shpejt, pas aterimit të anijes.

 Kozmonautët ruse Oleg Novitsky dhe Yevgeni Tarelkin dhe amerikani Kevin Ford mbeten ende në bordin e Stacionit Ndërkombëtar të Hapësirës.

 Ata kanë arritur atje në tetor, për një mision pesëmuajsh.