New York, 25 shkurt - Shërbimi Postar i SHBA-së (US Postal Service) së shpejti do të krijojë një pullë postare dedikuar themeluesit të Apple, Steve Jobs. Ajo do të dalë në qarkullim vitin e ardhshëm, pra në 2015.

Pulla në fjalë do të jetë e llojit të koleksioneve. Pamja e saj tashmë është miratuar. Në të njëjtën mënyrë, me shenja kujtimi, do të nderohen në 2015 edhe këngëtari legjendar amerikan Elvis Presley dhe drejtuesi i programit të mirënjohur televiziv \"Tonight Show\" Johnny Carson.

Steve Jobs ishte Drejtor i Përgjithshëm dhe bashkë-themelues i Apple. Ai ndërroi jetë në tetor të vitit 2011 nga komplikimet e shkaktuara prej kancerit pankreatik. Në vitin 2015 Jobs do të kishte mbushur 60 vjeç.