Prishtinë, 8 dhjetor - Microsoft në bashkëpunim me Ministrinë e Administratës Publike dhe Ministrinë e Arsimit, Shkencës dhe Teknologjisë organizojnë sot evenimentin Microsoft Industry Week.

Qëllimi i këtij evenimenti është për të ndihmuar qeveritë që të bëhen më efikase dhe konkurruese përmes shfrytëzimit të teknologjisë, do të prezantohen temat të tilla si: Parimet e Qeverisjes së Hapur (Open Government), Kornizat e interoperabilitetit, Teknologjia e Fundit Cloud dhe Siguria dhe Kontrolli i Privatësisë të të Dhënave.

Qëllimi ynë është që të ndihmojmë qeveritë që të sigurojnë transparencë të lartë, të nxisin inovacionin, të krijojojnë efikasitet në administratë, të modernizojnë dhe thjeshtësojnë proceset përmes teknologjisë cloud  duke adresuar edhe cështjet e sigurisë kibernetike, në mënyrë strategjike dhe efektive. 
 
Për arsim më të mirë dhe transformim të mësimdhënjes dhe mësimnxënjes do të prezantohen tema me rrëndësi nga fusha e arsimit dhe kontributi i Microsoft-it në këtë fushë, duke përfshirë edhe demonstrime (DEMO) të teknologjive të Microsoft në Cloud.  Poashtu do të shpallen fituesit e garës në Kosovë “Microsoft Innovative Educators”.

Ngjarjen do e hapin Ministri i Edukimit, Shkencës dhe Teknologjisë në Kosovë z. Arsim Bajrami,  Ministri i Administratës Publike ne Kosove z. Mahir Yahcilar, z. Ludo Wijckmans Lider në EPG, CEE Multi-country HQ dhe z. Stefan Plavjanski – Menaxher në Microsoft Maqedoni & Kosovë.