Tokio, 8 janar - Fansat e telefonave Sony të cilët kanë qenë në pritje të versionit në miniaturë të Sony Xperia Z1, tashmë mund të bëhen gati për blerjen e këtyre modeleve pasi dalja në treg është zyrtarizuar nga kompania.

Pak kohë pas lançimit të modelit të përditësuar të linjës Xperia, përkatësisht modelit Xperia Z1f, kompania ka prezantuar edhe modelin e ri të telefonit të cilin kompania e ka quajtur Sony Xperia Z1 Compact.

Sony Xperia Z1 Compact sjell shumicën e karakteristikave për të cilat është folur gjatë muajve të fundit.

Sony Xperia Z1 Compact sjell ekranin e ndjeshëm në prekje me diagonalen prej 4.3-inç në teknologjinë e njohur si Triluminos Display dhe X-Reality, rezolucionin prej 1280 x 720 pikselëve, procesorin quad-core Snapdragon 800 SoC me 2.2GHz, 2GB RAM si dhe baterinë me 2,300 mAh.

Për më shumë, Sony Xperia Z1 Compact bazohet në Android 4.3 Jelly Bean, ndërsa ndërfaqja e integruar në telefon është vetë faqja e Sony-t.