​Nju jork, 29 korrik - Kushton rreth 200 euro dhe tashmë një orë inteligjente mund të ndezë dritën ose televizorin, vetëm me anë të një komande.

Më konkretisht, Google Android Wear ka krijuar orën inteligjente.

Për këtë duhet që të lidhni orën me internetin, nëpërmjet Wi-Fi dhe gjithçka është gati. Me anë të kësaj ore, ju mund të merrni edhe njoftime që vijnë nga rrjetet sociale si Facebook, Twitter, WhatsApp, apo nga faqet tradicionale të emaileve.

Falë teknologjisë së lartë dhe sensorëve që mund t’i vendosni në afërsi të dyerve apo dritareve në shtëpi, ora mund t’ju tregojë nëse dikush është duke hyrë në ambientet tuaja.