Samsung me dizajn të ri për smartfonin Galaxy S6
Duke filluar nga Galaxy Alpha verën e shkuar, më pas duke vazhduar me Galaxy Note 4 dhe Note Edge, Samsung po i përkushtohet një dizajni të ri për smartfonin e ardhshëm Galaxy i cili do të jetë një pjesën më të madhe prej metali.
Ditët e fundit janë shfaqur disa imazhe të reja të këtij dizajni në uebin Nowhere Else.detaje smasung
Ndërkohë që vërtetësia e imazheve nuk mund të konfirmohet, në të shfaqet një kasë tërësisht metalike gri me logon e Samsung, raporton PCW.
Në kasë duken edhe prerjet që përkojnë me vendin e kamerës. Ky imazh të sjell ndër mend disa nga pajisjet e HTC me trup alumini.
Ky cilësohet si një ndryshim i rëndësishëm për kompaninë Samsung e cila tradicionalisht ka preferuar të sjellë në treg smartfonë me trup plastik. Dizajni i ri metalik do të ndihmojë gjithashtu diferencimin e S6 nga smartfonët e tjerë.
