Prishtinë, 4 mars - Celulari i ri inteligjent Galaxy S4 do të prezantohet në gjashtë modele të ndryshme.

Samsung ka njoftuar se do të shpalosë Galaxy S4 brenda më pak se dy javësh më 14 Mars në New York.

Gjithashtu, konfirmohet se aparati do të vijë në gjashtë modele të ndryshme, transmeton krokodili.com.

SamMobile ka raportuar se Samsung Galaxy S4 do të prezantohet në ngjyrën e zezë e të bardhë dhe në tre kapacitete të ndryshme – 16GB, 32GB dhe 64GB.

Uebfaqja raporton gjithashtu se Samsung kërkon të nxjerrë edhe një model të telefonit, i cili mbështet rrjetet 4G LTE dhe 3G.

Specifika të tjera të mundshme të Galaxy S4 përfshijnë RAM 2GB, ekran 4.99 inç Full HD, kamerë 13Mp, karikim pa kabllo dhe sistem operativ Android 4.2 Jelly Bean.