Seul, 5 janar - Sipas një web faqje bëhet e ditur se është shpalosur versioni i fundit i telefonit të famshëm inteligjent të Galaxy S4.

Një imazh marrë nga Sammobile tregon pajisjen e re me një ekran 5 inç dhe një projektim të ri pa butona në kapak, shkruan krokodili.com.

Aparati besohet të ketë një procesor quad core dhe një kamerë 13 megapikselë.

Fotoja tregon një dizajn të ri për telefonin e shumëpritur të Samsung, ku të gjithë butonat janë hequr nga pjesa përpara e pajisjes.

Prej kohësh kanë qarkulluar zëra se telefoni do të përmbajë edhe një lloj të ri ekrani ‘të përkulshëm,’ i cili do ta bënte telefonin thuajse të pathyeshëm.

Kjo vjen menjëherë pas lajmit se iPhone 6 i Apple po përdorej tashmë nga zyrat qendrore të firmës në Cupertino të Kalifornisë.

Apple dhe Samsung kanë hyrë në një betejë për supremaci në tregun e celularëve inteligjentë dhe lëshimi i S4-ës para një iPhone të ri mund t’i japë firmës koreane një avantazh vendimtar.