Nju Jork, 21 maj - Përdoruesit e shërbimit videohosting YouTube brenda një minute ngarkojnë video me një kohëzgjatje prej më shumë se 100 orë. Kjo u njoftua në faqen e regjistrimit në blog-un e YouTube, kushtuar 8-vjetorit të krijimit të këtij shërbimi.

Dy vjet më parë përdoruesit ngarkonin në YouTube video me kohëzgjatje 48 orë në çdo minutë. Në vitin 2012 shërbimi video njoftoi mbi rritjen e kësaj shifre deri në 72 orë në minutë.

Në faqen hyrëse të shërbimit thuhet se audienca mujore e YouTube i ka tejkaluar një miliard vizitorët.

30% e të gjitha videove të ngarkuara në YouTube shikohen nga 99% e vizitorëve të website-it. Video më e famshme në YouTube është videoklipi i grupit muzikor PSY \"Gangnam Style\", i cili është shikuar më shumë se një miliard herë.