New Delhi, 14 prill - Duke marrë shkas nga përdhunimet e shpeshta që ndodhin në Indi, studentë të inxhinierisë kanë krijuar të “brendshme” kundër dhunimit seksual. Ata shprehen se ajo do t’i ndihmojë femrat të parandalojnë dhunën seksuale.

Pajisja në fjalë, Society Harnessing Equipment  emeton deri në 82 shoke elektrike prej 3,800 kv drejt sulmuesit, raportohet nga “The Times of India”.

Për të mbrojtur personin që e ka veshur nga marrja e tronditjeve elektrike, studentët thanë se pjesa e brendshme e SHE është e izoluar me polimer.

Pajisja ka njëkohësisht edhe GPS, përmes së cilët mund t’i dërgohet vendndodhja e sakte prindërve dhe policisë së viktimës.

Studentët premtojnë edhe një pajisje që do të japë sinjale më shpejt, një lloj  Bluetooth-i në mënyrë që sa herë personi ndihet i stresuar, të arrihen të dërgohen menjëherë mesazhe. Se sa femra mund ta marrin këtë pajisje mbrojtëse ende nuk ka të dhëna.

Në Indi vlerësohet se dhunohet seksualisht një femër çdo 14 orë.