Tiranë, 11 tetor - Open Labs vazhdon me prezantimin e temave të reja. Me 13 tetor duke filluar nga ora 18:30 do të bëhet prezantimi i shfletuesit Mozilla.

Programi do të fillojë me një dokumentar mbi periudhën e Netscape Mozilla 1998 – 2000, një historik dhe diskutim mbi ideologjinë Firefox nga Ardian Haxha, si dhe instalimi i Thunderbird në gjuhën shqipe nga Heroid Shehu, të dy këta të fundit aktivist të njohur nga FLOSSK.

Mozilla është duke lancuar versione të reja të Firefox dhe Thunderbird, projekte me kod të hapur të cilat synojnë të bëjnë web-in një ambient më të mirë për përdoruesit, e gjersa anembanë botës mbahen evente të ndryshme për ta festuar këtë edhe në Shqipëri do të mbahet një event i tillë organizuar nga Open Labs.

Për pjesëmarrësit pritet të ketë edhe after party, sticker, pemë, bluze Firefox dhe shume surpriza.

Pjesëmarrja në event është falas.