Helsinki, 5 prill - Në harkun e një muaji nga versioni paraprak i hedhur nga Beta Labs, Nokia ka shpallur në mënyrë zyrtare disponibilitetin e versionit përfundimtar të Ovi Maps 3.06, i cili mund të shkarkohet pa asnjë pagesë në Ovi Store.

Versioni i ri i Ovi Maps prezanton një shpejtësi më të madhe, navigim Walk & Drive gratis në 90 vende, shërbime mbi trafikun live, guida të reja udhëtimi dhe shumë opsionet tjera.

Tani do të jetë e mundshme të bësh check-in në vende dhe të mbash të informuar miqtë nëpërmjet Facebook, Twitter dhe rrjeteve të tjera shoqërore duke kursyer ne kosto, nëpërmjet shkarkimit falas të hartave të vendeve të ndryshme përmes Wi-Fi ose Nokia Ovi Suite në kompjuter.