Helsinki, 25 dhjetor - Prodhuesi finlandez i telefonave mobil Nokia ka shpalosur edhe zyrtarisht telefonin inteligjent Lumia 505.

Lumia i ri vjen me sistem Windows Phone 7.8 dhe nuk mund të kalojë në sistemin e ri Windows Phone 8.

Lumia 505 vjen me një ekran 3,7-inç AMOLED WVGA me rezolucion 480×800 pikselë, kamerë 8 MP dhe është synuar për vendet në zhvillim. Skeleti është 11.3 mm, me një peshë rreth 131gr.

Brenda gjendet një procesor me një “core” të vetëm, 256 MB RAM dhe vetëm 4 GB memorie të brendshme pa zgjerim me kartë microSD.

Telefoni ka Bluetooth 2.1, WiFi (b / g / n), lidhje 2G dhe 3G, së bashku me një bateri 1300mAh që ofron më shumë se shtatë orë kohë bisedë dhe 600 orë stand-by.