New York, 30 mars - BlackBerry ka shpërndarë pothuajse një milion BlackBerry 10 gjatë një periudhe tre mujore kur Z10 ishte në shitje në Kanada, Mbretërinë e Bashkuar dhe pjesë të tjera të botës.

BlackBerry tha se kompania ka nxjerrë një total prej gjashtë milionë pajisjesh BlackBerry, gjatë tremujorit të fundit të saj fiskal, së bashku me 370.000 njësi të tabletit BlackBerry PlayBook.

Kompania përfundoi edhe me një fitim të papritur prej $94 milionë në tremujorin e fundit fiskal, në krahasim me një humbje prej 125 milionë dollarësh për të njëjtën periudhë një vit më parë.