New York, 13 dhjetor - Një raport i sapopublikuar nga Digitimes si dhe në ComputerWorld, zbulon se Apple është duke bërë gati nxjerrjenn pas disa muajsh në treg të modelit më të ri të iPhone 5S.

 Në modelin e ri që do të dalë gjatë vitit të ardhshëm, kamera do të jetë HD, çipi do të jetë i prodhuar nga një partner i ri i kompanisë, ndërsa bëhet e ditur se aparatit të ri Iphone 5S do t\'i  shtohen edhe shumë karakteristika të tjera të avancuara.

 Digitimes ne SHBA zbulon se Apple ka nisur para pak ditës prodhimin e 50 mijë aparatëve iPhone 5S dhe ky numër do të shkojë gjatë dhjetorit në 100 mijë.

 Digitimes evidenton se Apple është duke bërë plan që të publikojë modelin e ri të telefonit të saj, iPhone 5S në tremujorin e parë të vitit të ardhshëm, edhe pse në të kaluarën, kompania ka bërë lancimet e saj në tremujorin e fundit të vitit midis muajve tetor-dhjetor.

 Kurse ComputerWorld citon Peter Misek, analist në Jefferies, i cili pohon se iPhone 5S do të prezantohet në qershor të 2013.

 Sipas tij, iPhone 5S do të jetë në pamje i ngjashëm meiPhone 5, por aparati i ri, Iphone 5S do të vijë me tipare të reja, të cilat përfshijnë ndërfaqen dhe kamerën HD, bateri më të fuqishme, mbështetje për NFC, IGZO Retina+ display, dhe 128GB memorie të brendshme.

 Aktualisht në treg gjendet iphone 5, ose gjenerata e gjashtë e celularit produkt i Apple.