Florida, 17 maj - Ekspertët e NASA-s kanë llogaritur numrin e asteroideve që bien mbi sipërfaqen e Marsit brenda një viti.

Aparati Mars Reconnaissance Orbiter, i pajisur me kamerën më të fuqishme në orbitën afër Marsit - HiRISE, vazhdon të filmojë Marsin që prej vitit 2006.

Shkencëtarët krahasuan fotot e rajoneve të njëjta, të bëra disa vjet më parë, dhe zbuluan 248 kratere të freskëta.

Me ndihmën e të dhënave të përftuara ekspertët arritën të llogarisin se mbi sipërfaqen e Planetit të Kuq bien rreth 200 asteroide të madhësive të ndryshme në vit.

Shkencëtarët supozojnë se më parë kjo shifër ka qenë shumë herë më e lartë.