New York, 1 shkurt - Google është duke u bërë gati të nxjerrë edhe një model të ri të telefonit inteligjent në Android, dhe pritet të prezantohet në konferencën e zhvilluesve të kompanisë, Google I/O.

Modeli i telefonit, për të cilin bëhet fjalë, është duke u krijuar nga Motorola (kompania e blerë nga Google) dhe emri i këtij modeli pritet të jetë Motorola X Phone, shkruan Krokodili.com.

Ka një konfirmim lidhur me telefonin e ri të Google dhe Motorola, pasi që kjo e fundit ka shpallur një konkurs në LinkedIn për menaxher të produktit të quajtur X Phone.

Motorola X-Phone pritet të vijë me versionin më të ri të Android, citohet burimi i postimit në LinkedIn.