Londër, 12 maj - Motorola po përgatit një fushatë masive marketingu, në Mbretërinë e Bashkuar për të promovuar telefonin e saj të mençur Atrix me sistemin operativ Android dhe paisjen tabletë Xoom.

"Armatosur" me një buxhet të majmë prej 10 milionë sterlinash, fushata do të synojë portretizimin e Atrix si telefoni i mençur më i fuqishëm në botë dhe do t′i tregojë asaj se "është më shumë se një telefon i mençur".

Kompania ka në plan gjithashtu të nisë një seri të reklamave televizive për paisjet e saj.

Sipas një artikulli në Mobile Today, Motorola do të mbajë demonstrime në shumë stacione të Londrës.

Kompania ka në plan të nisë fushatën e Atrix në qershor dhe ta vazhdojë atë për një muaj, kurse fushata e Xoom do të fillojë këtë muaj.