New York, 19 gusht - Microsoft nxorri versionin final të Windows 10 muajin e kaluar, por kompania po përgatit një paketë përditësimesh për sistemin operativ.

Windows Insiders, testuesit e Windows, do të kenë tashmë aksesin në një projekt preliminar të Windows 10, me disa ndryshime të vogla për të marrë reagimet e tyre.

Microsoft thotë se ka marr një sërë reagimesh lidhur me opsionet e ngjyrave për Windows 10, dhe kompania është duke testuar një paletë të re.

Sipas “The Verge”, Microsoft po teston gjithashtu përmirësimin e memories për Windows 10, që ndihmon në reduktimin e sasisë së memories të përdorur për një proces, dhe kështu sistemi operativ do të ketë më shumë aplikacione në memorien fizike në një kohë të dhënë.

Teksa po testohen dhe karakteristika të tjera, Microsoft paralajmëron se disa viruse janë futur në versionin e fundit të testimit. Hotspotet mobile nuk punojnë me këtë version dhe një përditësim i aplikacionit Movie & TV do të kërkojë të rregulloni disa çështje me shfaqjen e videove.

Microsoft planifikon gjithashtu të testojë dhe disa shtesa në Microsoft Edge, dhe aplikacionin e ri të mesazheve në rregullimet e Windows 10, në javët e ardhshme.