New York, 13 mars - Microsoft ka konfirmuar planet për lansimin e një versioni të ri të Office-it për Apple Mac.

Menaxheri i produkteve të Office-it në Gjermani, Thorsten Hubschen i ka thënë “Computerwoche” se versioni i ri pritet të del në treg në çerekun e dytë të këtij viti. Kompania që nga viti 2011 nuk ka lansuar produkt të ri të Office-it për Mac.

Përdoruesit aktualë të Office 365 në Apple do ta marrin versionin e ri pa asnjë pagesë shtesë. “Ekipi po punon pandërprerë për versionin e ri të Office-it për Mac”, ka thënë një zëdhënës i Microsoft për “Macworld”.

“Ndonëse nuk kam detaje për datën e lansimit, mund të ju them se përdoruesit aktualë të Office 365 do ta marrin versionin e ri të Office-it për Mac pa kosto shtesë”.