Seul, 15 korrik - Nëse jeni të pasionuar pas teknologjisë 3D, sigurisht jeni pro asaj që nën 40 inç nuk ka eksperiencë të mirë; por nëse i keni mundësitë e kufizuara atëherë duhet shqyrtuar edhe variantet tjera.

LG DX2000, një 20 inç LED-backlit 3D monitor, është një produkt interesant në vete por për dallim prej konkurrencës (kuptohet 3D), ai nuk ka nevojë për syze për tu shikuar. LG DX2000 bazohet në teknologjinë “parallax barrier”, që është një prej varianteve të pranishme në treg që mundëson shikim të përmbajtjeve 3D pa nevojën e syzeve.  E përveç kësaj njësia ka edhe teknologji të integruar për të ndjekur lëvizjet e syrit “eye-tracking”.

Në teori, kjo veçori mundëson që përdoruesit të lëvizin para ekranit dhe nuk kanë nevojë të shqetësohen se a po përjetojnë në nivelin më të lartë teknologjinë 3D.

LG ka shtuar se ka edhe një veçori konvertimi prej 2D në 3D, por detajet tjera janë ende të pakta. Sa i përket paraqitjes në treg, Koreja do të jetë vendi i parë ndërsa gjatë fundit të vitit do të debutojë edhe në pjesën tjetër të botës./pcworldalbanian/