Prishtinë, 22 prill - Anëtarë nga organizata joqeveritare me bazë në Prishtinë FLOSSK ka lansuar kampanjën në Kickstarter për të financuar projektin "Prishtina Hackerspace" - hapësirë që synon të fuqizojë bashkëpunimin dhe ekperimentimin në fushën e teknologjisë, edukimit, kulturës dhe shkencës.

Hapësira është e para e krijuar e këtij lloji në Kosovë dhe njekohësisht projekti i parë nga Kosova në Kickstarter.

Puna e anëtarëve të FLOSSK, si entuziastë të teknologjisë, tregon që pavarësisht mungesës së kushteve dhe fondeve, është arritur që me materiale modeste, por me shumë vullnet dhe punë, të organizojnë Konferencën për Software të Lirë dhe të Hapur në Kosovë; t\'ia sjellim Prishtinës për herë të parë linjën e autobusave në një format digjital; t’i inkurajojmë vajzat që të bashkëgjiten në komunitetin teknologjik të Kosovës dhe shumë projekte të tjera.

Hackerspace-at janë hapësira fizike të operuara nga komuniteti të cilat krijohen që disa vite në vende të ndryshme të botës kryesisht të pavarura nga financimi i qeverisë. Çdo hackerspace është një entitet autonom, por ato të gjitha ndajnë të njëjtën filozofi të ndërtimit të gjërave argëtuese së bashku.

Prishtina Hackerspace është nisur me qëllim të rritjes së komunitetit dhe zhvillimit më tej të aftësive në projekte të ndryshme teknologjike, kulturore dhe edukative.