Seul, 3 qershor - Samsung ka një numër pajisjesh të cilat janë në pregatitje për lansim në treg gjatë ditëve dhe muajve në vijim.

Njëra prej këtyre pajisjeve është edhe Galaxy Note 3. Ndërkohë, sipas Techtasic, konfirmimi i ardhjes së kësaj pajisje është bërë në ueb faqen e Samsung në Kazakistan, në të cilën shihet emri i pajisjes në listën e pajisjeve të reja.

Galaxy Note 3 pritet të jetë i pajisur me procesorin Qualcomm Snapdragon 800, ekranin e madhësisë 5.9 inc me rezolucione prej 1920x1080 dhe zgjedhje mes modelit me 16GB, 32GB ose 64GB hapësirë ruajtëse.

Pajisja e re nga Samsung pritet të ketë versionin e ardhshëm të sistemit Android, ose atë ekzistues, Android 4.2.2.

Detajet dhe specifikat tjera nuk janë bërë të ditura në listën e mësipërme. Mirëpo, ne shpresojmë që Samsung së shpejti do të sjell deklaratën zyrtare për media në të cilën do të lajmëroj të gjitha risitë në Samsung Galazy Note 3.