Florida, 9 shkurt - Duket se NASA është në një mendje me parashikimin apokaliptik për vitin 2012. Një studim i fundit prej 145 faqesh nga NASA tregon se një seri aktivitetesh intensive diellore me intensitet në rritje do të ndodhin gjatë vitit 2012.

Studimi gjithashtu ka sjellë edhe shkallën e mundshme të dëmit që do të vuajnë sistemet elektronike, si pasojë e stuhisë intensive diellore. Skenari i përfaqësuar në këtë raport, të kujton fenomenin e fuqishëm magnetik, i cili ndodhi në vitin 1859.

Nëse kjo do të ndodhë sot, dëmi do të jetë jashtëzakonisht shumë më i madh, siç dihet, jetojmë në një epokë krejtësisht të varur nga teknologjia.

Pra, një stuhi e tillë diellore do ti shkaktonte shoqërisë tonë një regres të shpejtë dhe të pakthyeshëm teknologjik.

Sipas NASA-s, kjo ngjarje paraqet fundin e epokës sonë teknologjike, si dhe një krizë të paparë që do të prekë të gjithë popullsinë botërore.

Ndërkohë, një stuhi diellore është vënë re më 22 dhe 23 janar 2012, më pak se një muaj më parë, por nuk shkaktoi ndonjë dëm.

Është hera e parë që disa shkencëtarë të NASA-s kanë filluar të besojnë te profecitë e Maya dhe Hopi. Këta të fundit kishin parashikuar se fundi i Epokës së Pestë(kjo aktuale) ose Epoka e Pestë e Diellit do të përfundojë me një tragjedi të madhe kozmike.