New York, 5 shtator - iPhone 6 do të prezantohet më 19 shtator në Cupertino të Kalifornisë.

Tashmë po krijohen radhët e para të fansave të iPhone-ve në Nju Jork përpara Apple Store në Fifth Avenue.

Riti i pritjes tashmë është një ngjarje klasike në vigjilje të daljes së modelit më të ri të iPhone. Radhët e gjata në vitet e shkuara janë kthyer edhe në një okazion për të tërhequr vëmendjen mediatike.

Siç raporton edhe “Macity”, Brian Ceballo dhe Joseph Cruz kanë mbërritur në Fifth Avenue më 31 gusht duke planifikuar që do të qëndrojnë në pritje për rreth 19 ditë.

Eventi i Apple do të prezantohet në Cupertino, një vend historik ku Steve Jobs, 30 vjet më parë prezantoi Mac, PC-ja që solli një revolucion në informatikë.

Sipas të dhënave të fundit do të performojnë edhe U2, që në vitin 2004, së bashku me Jobs lançuan një version special të iPod. Për bandën e Bono Vox eventi i Apple pritet të jetë edhe një okazion për të prezantuar albumin më të ri.