New York, 15 shtator - Kompania amerikane e kërkimit, Experian Hitwise, ka njoftuar se në kërkimet e javës së fundit në internet, një në çdo një mijë kërkime ka qenë për iPhone 5, që është një rekord për Apple.

Kjo shifër është 19 herë më e lartë se mesatarja e deritanishme, ndërsa nga kërkimet për iPhone, 25% e tyre janë për iPhone 5.

Apple po ashtu ka njoftuar çmimet e celularit të ri inteligjent të zhbllokuar, pra, pa kontratë. Për versionin 16 GB çmimi është $ 649, $ 749 për atë 32GB dhe $ 849 për 64GB. Ky është i njëjti çmim si iPhone 4S i zhbllokuar kur u hodh në treg vitin e kaluarm shkruan krokodili.com.

Është një ndryshim tepër i vogël dhe duhet të paktën edhe disa javë para se të jetë i gatshëm në SHBA, kurse në Shqipëri, ndoshta edhe disa muaj, por çdokush është i lirë ta marrë atë me kontratë.

Sigurisht që, edhe nëse e blini atë të zhbllokuar, duhet të zgjidhni një operator, por me një model të zhbllokuar thjesht fusni kartën SIM Nano dhe zgjidhni cilindo operator telefonik që dëshironi. iPhone 5 i zhbllokuar punon vetëm me rrjetet GSM.

Vlen të përmendet sërish fakti se në Shqipëri vetëm Vodafone Albania mund të sigurojë karta SIM Nano për momentin, pasi Vodafone UK ka siguruar 500,000 të tilla.